"مش عايز أبقى أقرع".. تعمل ايه لو القرعة مش عاجباك وخايف تزرع تبقى شبه "ترامب"؟

ي دولة عالم تالت، بتحارب الإرهاب، خط الفقر فيها كل يوم بيبلع ناس أكتر، التعليم مابيعملش فيها حاجة، حوادث التحرش تعتبر طقس يومي، لو اتكلمنا وسط ده كله عن سقوط الشعر أو حبوب الشباب أو عن بنت نفسها تصغَّر مناخيرها مثلًا، هنعتبر للأسف مُرفهين. رغم إن الدراسات الاجتماعية بتأكد إن المشاكل النفسية اللي بتتكون بسبب عدم ثقة الشخص في شكله كتيرة، ومالهاش علاقة بالمستوى الاقتصادي للشخص. يعني كلنا نعرف ناس مستواهم المادي مش قد كده، لكن بيسعوا علشان يبقوا حلوين، وطبعًا ده حقهم. خلاصة التلات سطور دول إيه بقى؟ إن اللي بيهتموا بشكلهم كتير، أغنياء وفقراء وبابا وماما وناهد وكلنا.

الشعر شيء مهم جدًا في حياة البني آدمين، سواء رجالة أو ستات، البنات مثلًا ممكن تقصه أو تطوِّله أو تحلقه في أماكن وتسيبه في أماكن تانية، بس المهم إن الشعر عندهم شيء أساسي. الموضوع عند الرجالة برضه مابيفرقش كتير، الراجل صحيح مايعبهوش غير جيبه في ثقافة مجتمعنا، بس لو أقرع.. الموضوع مش هيبقى لطيف أوي!

- رايح فين يابني؟

= لدكتور جلدية، شعري بيقع، مالحقش أخش دنيا يارب!

ده كان حوار سريع مع صديق في منتصف العشرينات، بيعكس نظرة الرجالة لظاهرة سقوط الشعر، والهسهس الدايم عندهم من إنهم يتصلعوا، خاصةً لو قبل الجواز ودخول دنيا. دكتور الجلدية ماقلوش حاجة مفيدة، وقاله "أنت طالب في هندسة؟ طيب ما طبيعي يابني!"

برضه لمَّا بدأت أشتغل على موضوع ما وطلبت من المصوِّر -الأصلع- يروح يصور مكان عناية بالشعر، قاللي الآتي:

- أروح أصوَّر Beauty Centre ؟ مش ملاحظة إني أقرع؟

خد بالك إنه كان شخص لطيف ومتسامح مع فكرة كونه "أقرع"، في شباب كتير مابيحبوش حد يقوللهم اللفظ ده، وبداله بيستخدموا لفظ "أصلع". أبقى خد بالك طبعًا وأنت بتكلم حد أصلع، ساعات بتبقى المسائل حساسة شوية.

من سوء الحالة النفسية، للأنيميا، لتكيُّس المبايض، لارتفاع الكوليسترول، كلها أسباب سقوط الشعر عند الرجالة والستات. في بعض الحالات الشعر بينمو تاني، لكن في أوقات كتير الموضوع مابيبقاش له حل طبيعي وبيلزمه استشارة دكتور أو تدخل طبي. ولسوء حظ المواطنين في البلاد النامية، زي مصر، الوصول لدكتور تجميل بأسعار معقولة يعتبر معجزة، غالبًا احنا ربنا بيحبنا وحققنا المعادلة الصعبة دي، لما اكتشفنا في شوارع المهندسين حاجة مهمة غير أبو عمار السوري، الحاجة دي هي عيادة زرع الشعر المباشر DHI.

يعني ايه بقى زرع الشعر المباشر DHI ؟ أبسطهالك، الموضوع يعتبر أكثر تقنية متقدمة في زراعة الشعر، تقنية معترف بيها عالميًا وساعدت ناس كتير، منهم نجم برشلونة السابق Ronald De Boer اللي زرع شعر وظهر بشكل طبيعي.

لمَّا حد بيقولك أزرع شعر، أول حد بيجي في بالك مين؟ أنا شخصيًا بيجي في بالي "دونالد ترامب" بشعره اللي تحسّه باروكة، أو مزروع بطريقة غريبة، أو في حاجة غلط مش عارفة أحط إيدي عليها. المهم يعني إن لو حد هيزرع شعر ويطلع بالشكل ده، يبقى بلاشه منه أحسن. في DHI هتضمن إن الشعر المزروع شكله مش هيبقى مضحك، ولا مُلفت وسهل حد يلاحظه من على بُعد 100 متر. لمَّا اتكلمنا مع دكتور "إبراهيم نجيب" من DHI قالنا: "عشان الشعر مايبانش إنه ملزوق، لازم عملية الزرع تتم بطريقة تدريجية جدًا في الكثافة".

يعني من الأخر حتى لو عملية الزرع نتيجتها كانت واضحة بنسبة، فـ الأكيد إن دقة الزرع هي الفيصل بين شعر مزروع أشبه بالبروكة الملزوقة بأنبوبة أمير، وبين فراغات في فروة الرأس مزروع فيها شعر أقرب ما يكون للطبيعي. في DHI بيساعدهم على تحقيق ده، إنهم بيقيسوا كثافة الشعر، "احنا بنقيس كثافة الشعر قبل ما نزرع الشعر وبعد سنة واحدة." زي ما قال دكتور "إبراهيم". بيكمِّل "دقة اختيار الشخص اللي ينفع له زرع الشعر بتتم بقياسات علمية لفروة الرأس، عشان نعرف كمان إيه أحسن علاج مناسب ليه".

دكتور "إبراهيم" بيأكد إن النتايج مضمونة بنسبة 90% لإن قياساتهم بتوصلهم للتشخيص المظبوط. وبناءً عليه بيحددوا العلاج الصح. بيكمِّل:"عن طريق كاميراتنا بنعدد الشعر الموجود قبل الزراعة وبعدها مع الشخص نفسه، عشان نأكد له إن 90% من الشعر اللي اتزرع هيستمر معاه مدى الحياة".

 مش أي حد بيعرف الفرق بين الزرع الكويس والوحش، لكن "اللي بيفرق في نتيجة الزرع هو قد إيه النتيجة طبيعية" زي ما وصف.

 

نشر

تعليق

الموقع

26 شارع سوريا ، المهندسين , الجيزة . مصر
الهاتف (+2) 01227782335
[email protected]

ساعات العمل

  • من السبت إلي الأربعاء - من 2 م إلي 8 م
  • من الخميس إلي الجمعة - مغلق
  • اتصل بنـا

    (+2) 01227782335

    مواقع التواصل